បឹងកេត និង ណាហ្គា ទម្លាក់ក្រោន មិនបាន
ភ្នំពេញៈ ក្រុមកំពុងឈរនៅលើតំបន់កំពូលតារាងទាំង៤
នៃក្របខ័ណ្ឌមិត្តហ្វូនខេមបូឌានលីក ឆ្នាំ២០១៤ ចំការកៅស៊ូបឹងកេត
និងណាហ្គាខប សុទ្ធតែរកបាន៣ពិន្ទុបន្ថែមដូចគ្នា
សម្រាប់ការប្រកួតលើកទី៧ កាលពីថ្ងៃសៅរ៍ កន្លងមកនេះ
ប៉ុន្តែក្រុមទាំង២ នៅតែមិនអាចទម្លាក់ភ្នំពេញក្រោន
ចេញលេខរៀងទី១បានដដែល ខណៈក្រោន
បានប្រើសមាជិកនៅសល់លើទីលានត្រឹម១០នាក់ ដើម្បីរក្សាការនាំមុខ
១-០ លើត្រាយអាស៊ី រហូតដល់ការប្រកួតបានបញ្ចប់នោះ។ រីឯបៀលប្រាយ
ក៏ឈ្នះបាន៣ពិន្ទុផងដែរ។
សម្រាប់ការប្រកួត ដែលធ្វើនៅលើទីលានស្តាតចាស់នោះ
ចំការកៅស៊ូបឹងកេត លេងមិនសូវបានល្អប៉ុន្មានឡើយ
ដោយក្រុមមួយនេះរកបានគ្រាប់បាល់តាមពីក្រោយអាស៊ីអឺរ៉ុប រហូត។
ខ្សែប្រយុទ្ធ អៀ ពីរ៉ូត របស់អាស៊ីអឺរ៉ុប បានរកឃើញគ្រាប់បាល់បើកឆាក
នៅនាទីទី៧ ប៉ុន្តែ Mohammad Tijani បានជួយឲ្យបឹងកេត
តាមស្មើនៅនាទីទី២០។ ២នាទីក្រោយមក ប្រាក់ វ៉ាន់នី
បានជួយឲ្យអាស៊ីអឺរ៉ុប នាំមុខម្តងទៀត តែខ្សែប្រយុទ្ធ ចាន់ វឌ្ឍនាកា
បានវាយបកបាន១គ្រាប់វិញ ដើម្បីនាំឲ្យបឹងកេត តាមស្មើម្តងទៀត
នៅនាទីទី២៨។
ជាមួយលទ្ធផលនេះបានធ្វើឲ្យក្រុមទាំង២ កាន់តែមានភាពស្វិតស្វាញ
ប៉ុន្តែការលោតតែតបាល់បញ្ចូលទីរបស់ Ohuruogu Chukwuma នៅនាទីទី៧៩
បានជួយឲ្យបឹងកេតឈ្នះអាស៊ីអឺរ៉ុប ៣-២ ទាំងវេទនា។
ទោះបីជាយ៉ាងណា លោក បែ មករា អ្នកចាត់ការទូទៅ និងលោក ប្រាក់ វុទ្ធី ដែលជាគ្រូបង្វឹកបឹងកេត មិនសប្បាយចិត្តចំពោះលទ្ធផលនេះនោះទេ។
ចំណែកណាហ្គាខប ដែលចូលលេងនៅម៉ោងបន្ទាប់នោះ បានធ្វើការដាក់សម្ពាធទៅលើក្រុមប៉ូលិសភ្លាមៗ ហើយការធ្វើឲ្យខ្សែប្រយុទ្ធ Barry Alpha នៅតំបន់គ្រោះថ្នាក់ នៅដើមតង់ទី១បានធ្វើឲ្យអាជ្ញាកណ្តាលផ្តល់បាល់ពិន័យ១១ម៉ែត្រ ឲ្យណាហ្គាខប ហើយ ស៊ុន សុវណ្ណរិទ្ធី ធ្វើបានសម្រេចក្នុងឱកាសមួយនេះ។ ប៉ុន្តែ នួន បូរី បានជួយឲ្យប៉ូលិស ស្មើវិញ នៅនាទីទី ៤៥+៦។
ទោះបី ជាយ៉ាងណា ការរកបានគ្រាប់បាល់ទី២របស់ សុវណ្ណរិទ្ធី ក្នុងការប្រកួតតង់ទី២ បានជួយឲ្យណាហ្គាខប ឈ្នះប៉ូលិស ២-១ ដោយមាន១៦ពិន្ទុ គឺលើសបឹងកេត ១ពិន្ទុដដែល។
យ៉ាងណាក៏ដោយ លទ្ធផលនេះ បានត្រឹមជួយឲ្យណាហ្គាខប ឈរនៅលេខរៀងទី២លើបឹងកេតដដែល ព្រោះភ្នំពេញក្រោន ក៏រកបាន៣ពិន្ទុបន្ថែមដែរ សម្រាប់ការជួបត្រាយអាស៊ី នៅពហុកីឡដ្ឋាន ជាតិ នារាត្រីថ្ងៃសៅរ៍នោះ។
ជ័យជម្នះរបស់ក្រោន បានមកដោយសារការស៊ុតបាល់បញ្ចូលទីរបស់ខ្សែប្រយុទ្ធ Bisan George នៅនាទីទី១៩ និងការព្យាយាមទប់ពីការវាយលុកយ៉ាងខ្លាំងរបស់ត្រាយអាស៊ី ដើម្បីការពារលទ្ធផលនេះរហូតដល់ចប់ការប្រកួត បន្ទាប់ពី Kim Jeongho បានទទួលកាតលឿងជាលើកទី២ នៅនាទីទី៧០នោះ ហើយលទ្ធផលនេះបានជួយឲ្យក្រោន ឈរនៅលើកំពូលតារាងជាបន្តទៀត។
ចំណែកខ្សែប្រយុទ្ធ Takno Marin បានទាត់បាល់បញ្ចូលទីនៅនាទីទី៤ ដើម្បីជួយឲ្យបៀលប្រាយ ឈ្នះក្រុមក្រសួងការពារជាតិ ១-០៕
ទោះបីជាយ៉ាងណា លោក បែ មករា អ្នកចាត់ការទូទៅ និងលោក ប្រាក់ វុទ្ធី ដែលជាគ្រូបង្វឹកបឹងកេត មិនសប្បាយចិត្តចំពោះលទ្ធផលនេះនោះទេ។
ចំណែកណាហ្គាខប ដែលចូលលេងនៅម៉ោងបន្ទាប់នោះ បានធ្វើការដាក់សម្ពាធទៅលើក្រុមប៉ូលិសភ្លាមៗ ហើយការធ្វើឲ្យខ្សែប្រយុទ្ធ Barry Alpha នៅតំបន់គ្រោះថ្នាក់ នៅដើមតង់ទី១បានធ្វើឲ្យអាជ្ញាកណ្តាលផ្តល់បាល់ពិន័យ១១ម៉ែត្រ ឲ្យណាហ្គាខប ហើយ ស៊ុន សុវណ្ណរិទ្ធី ធ្វើបានសម្រេចក្នុងឱកាសមួយនេះ។ ប៉ុន្តែ នួន បូរី បានជួយឲ្យប៉ូលិស ស្មើវិញ នៅនាទីទី ៤៥+៦។
ទោះបី ជាយ៉ាងណា ការរកបានគ្រាប់បាល់ទី២របស់ សុវណ្ណរិទ្ធី ក្នុងការប្រកួតតង់ទី២ បានជួយឲ្យណាហ្គាខប ឈ្នះប៉ូលិស ២-១ ដោយមាន១៦ពិន្ទុ គឺលើសបឹងកេត ១ពិន្ទុដដែល។
យ៉ាងណាក៏ដោយ លទ្ធផលនេះ បានត្រឹមជួយឲ្យណាហ្គាខប ឈរនៅលេខរៀងទី២លើបឹងកេតដដែល ព្រោះភ្នំពេញក្រោន ក៏រកបាន៣ពិន្ទុបន្ថែមដែរ សម្រាប់ការជួបត្រាយអាស៊ី នៅពហុកីឡដ្ឋាន ជាតិ នារាត្រីថ្ងៃសៅរ៍នោះ។
ជ័យជម្នះរបស់ក្រោន បានមកដោយសារការស៊ុតបាល់បញ្ចូលទីរបស់ខ្សែប្រយុទ្ធ Bisan George នៅនាទីទី១៩ និងការព្យាយាមទប់ពីការវាយលុកយ៉ាងខ្លាំងរបស់ត្រាយអាស៊ី ដើម្បីការពារលទ្ធផលនេះរហូតដល់ចប់ការប្រកួត បន្ទាប់ពី Kim Jeongho បានទទួលកាតលឿងជាលើកទី២ នៅនាទីទី៧០នោះ ហើយលទ្ធផលនេះបានជួយឲ្យក្រោន ឈរនៅលើកំពូលតារាងជាបន្តទៀត។
ចំណែកខ្សែប្រយុទ្ធ Takno Marin បានទាត់បាល់បញ្ចូលទីនៅនាទីទី៤ ដើម្បីជួយឲ្យបៀលប្រាយ ឈ្នះក្រុមក្រសួងការពារជាតិ ១-០៕
Post a Comment